Helga 6. til 7. juni arrangerer Nordfjordbåtlaget båtfest på Sandane i samband med opninga av nytt vernebygg for Holvikejekta. Vi håpar å invitere og få samla så mange folk og flytande tradisjonsbåtar som mogleg. Foreløpig arrangement er offisiell opning av vernebygget frå kl 12 fredag 6. juni i regi av Nordfjord Folkemuseum, omvisning, skytteltrafikk med tradisjonsbåtar frå gjestebrygga og ut til Holvikejekta, segling på fjorden og matgilde på Gloppebua. Laurdag 7. juni seminar kl 9 og stand ved gjestebrygga, skytteltrafikk, omvisning, segling, roing, mat og musikk fram til kl 15. Gje beskjed viss de kjem med båt.